baghdad
عضو جديد
المساهمات : 23
تاريخ التسجيل : 24/04/2008
 |  موضوع: ألحب ألأول......نائل ألمظفر  الخميس أبريل 24, 2008 7:36 am | |
| لأنك بلتزامك مومن اهلك أخاف تشيل ذنبي مومن اهلك
منو بكدّي يحبك مو من اهلك
منو بكًدي يحبك من عشرتك
وأتمنه أصير أصبع من عَشرتك
وآنه شكًضيت خايب من عِشرتك
أعد بسنين عشرتنه وهج روح
وأحس ويالنفس يطلع وهَج روح
وأخيرن كًتلي ودّعني وهِج روح
أروح وين ماكًدر هوه أنته
وآنه ألماهان من أجلك هونته
الي بدنياي شي واحد هوأنته
وصرت بين ألتركته وأن تبعته
أنه ألونيت وألون وَن تبعته
ماباعك حبيبك وأنته بعته
حبيبك باع عمره واشترك بيه
وحزن كًلبه على حزنك وأشترك بيه
وبعد شدّوس كًلبي وشترك بيه
جبل حبيبي وتكًـكًل من تكًل بيه
و يدنيا شما دفعتيه لَن تكًل بيه
وأذا تنسى يكًلبي لنته كًلبي
ولا ريدك بعد وبصدري أحملك
وحبيبي شلون ترضه بصدري أحم لك
أذا حِملك يتعبك بصدري أحملك
ألي وروح ألأرض وشكًد دولها
وتداوي ألداء لو بالمخ دولها
بس ألعين مايحصل دولها
دواه العين خِـلها من تقربيه
وتصب كلما نشوفك من تقربي
ولك شيصير حبك من تقربيه
وتحبني أنته يقين بصدري موشك
ألف شوكة سكوت بصدري موشك
أنذبح كًلبي وتشضّى بصدري موشك
وعرف مَـّحد يدفنه وشي دفن شي
وعكَـب صدر ألمواقد شي دفن شي
كفر من رسم غيرك شي دافنشي
وأضن للجنه يدخل من يرسمك
وحبيبك يمسح أسمه من يرى أسمك
بسمك حبي جمالك من يرى أسمك
وآنه ألليل بعيونك شفته كُـحلي
وشفت شمس ألأصيل وشفتك أحلى
ألعسل من ضكَـته كَـلك شفتك احلى
اذاً لومن شفاهك بستك اشفه
اذا انته المات يعدل بس تكشفه
شتضن حبك يضعفك؟ بس تكشفه؟
وعلي تخفي أهتمامك وكتراثك
وآنه المن مات كَلبي ووكتي راثك
نسيت الحب الأول وك تراثك
صدك ينسه تراثه هسه جيلك
وتشوف سواج عيني هسجيلك
وأنادي وماتكَـلي هسجيلك
صحتك يا وصارت كُبر يائي
واذا رائيت بالشط كبريائي
حبيبي شلون تجرح كبريائي
وتذلني كَبال كل ناسك وناسي
وبقيت بصحرى شاتلني وناسي
ناسي تكَول لاتسكت وناسي
لأن كُلش مذلتي لاكَـتلهم
وجبل حبي المقدس لاكَتلهم
كَالوا حبك ذلّـك لاكَتّلهم
عنايه أحتاج كَلبه وجيت أعانيه
وخفيت شكثر عنك جاي اعانيه
تمرمرني من ازورك جايع آني
شكَثر ندمان جي بيتك عتبته
وعرفني الباب من دكَتي وعتبته
عتاب وياك جي أحبك عتبته
كَلبي شلون يمهم وك كسرته
أسير وذل شجالك وك أسرته؟
كَبل جانت اسرتك وك اسرته
أسرتك هسه سمّتني ألضحيه...
للشاعر نائل ألمظفر......تحياتي | |
|
mohammed
.
المساهمات : 509
تاريخ التسجيل : 23/03/2008
| | موضوع: رد: ألحب ألأول......نائل ألمظفر الخميس أبريل 24, 2008 7:45 am | |
| يسلموووووووو قصيدة روعة عاشت ايدك | |
|
منير العراقي
رئيس قسم برامج الكومبيوتر الانترنت
المساهمات : 184
تاريخ التسجيل : 11/04/2008
| | موضوع: رد: ألحب ألأول......نائل ألمظفر الأحد أبريل 27, 2008 5:24 am | |
| مشكوووووووووور على هاي القصيده | |
|
MaeIas
مؤسس المنتدى
المساهمات : 105
تاريخ التسجيل : 24/03/2008
| | موضوع: رد: ألحب ألأول......نائل ألمظفر الأحد أبريل 27, 2008 1:31 pm | |
| مشكووووووووور اخووووووووويه | |
|
عاشق الصمت العراقي
عضو جديد
المساهمات : 40
تاريخ التسجيل : 14/04/2008
| | موضوع: رد: ألحب ألأول......نائل ألمظفر الأربعاء أبريل 30, 2008 10:29 am | |
| مشكووووور أخويه كلماات رووووعه | |
|
