منير العراقي
رئيس قسم برامج الكومبيوتر الانترنت
المساهمات : 184
تاريخ التسجيل : 11/04/2008
 |  موضوع: الى كل عراقي شريف ويحب العراق ويكره الطائفيه والعنصريه  السبت أبريل 26, 2008 2:19 pm | |
| شباب ولو اني ولا طكه بالشعر الشعبي بس بحوشت بالمواقع وجبتلكم هذا الشعر المؤثر اتمنى يارب يعجبكم ....تحياتي للطيبين
بعد ماي الفرات لضيفنا نبدي ... و الگطان الازرگ ما نكر شصة
و كل اسباب جوعي بدون استثناء ... كلها تروح فدوة لورقة الحصة
گَبل خطار اجاني و صادفت عوز ... على خدودي شمع ذابت الگصة
و لان تنوري طين و غيرتة من الگاع ... خلص عدنة العجين استنسخ الگرصة
هسة شبينة ليش؟ و شختلف بالناس؟ ... اذا يلتفت ضيفك ينوكل نصة
اهلنا البيت واحد شو صفوا ضدين؟ ... ملة تلوم ملة و بالگلب غصة
اركض طاح اخوك بظهرة حط سجين .. لا غيرك يذبحة تفوتك الفرصة!
سكرانة العدالة و ناس تاكل ناس ... زمن صارت خوات العلوة و النصة
طم هور الچبايش و انفي كردستان ... و بگلب الرمادي خنجرك رصة
ولك مو عيب! و احنة اللي نشيل الراس ... شلون جفوفنا تگض راسنا تگصة؟؟؟
اختلفنا احنة بعلي و بعمر و بعثمان ... لو يدري محمد بينا ما وصة
المحتل اطلعة حط ايديك وياي ... يا محتل طلع بالهوسة و الخبصة؟
گطرة حيا آنه و انت گصة
يعرفنا النشد عنة و التگصة
و لك احنة بجسم واحد و التگصة
چفك لا تظن گصيت ايدية
فدوة أرجوك تهدة و تلعن الشيطان ... عسا من غيراك ببختة و بحظة
آنة شردت منك غير ننسى الراح؟ ... و طرفك ع الزعل بيناتنا تغضة
انفطمنة على البنادق و انت تعرف زين ... الشُعيرة بلا نفع لو زعلت الفرضة
آنة و ياك سيف و نذبح الجلاد ... و اذا تعجز ايدينة بلوزتة نعضة
العباس جدنا الما احتاج چفوف ... ظل حد السنون اللازم القبضة
چا شنهي عليمن ليش مختلفين؟؟ ... انا شنهو القبلتة و انت الترفضة؟
يجوز الما اگضة الخلل بالچفين ... اليعبر علية چفوفك تگضة
انا غرگان يمك آني اخو عثمان ... اللي بجسر الائمة ما صفن لحظة
شاف الايد وحدة و ناس ضگها الماي ... و على گد الچفوف الطاحت تشظى
أنا دجلة الخير الما نست عطشان ... و اخوي انت الفرات و ترضى ما ترضى
اختلفنا بأولياء لله و ضعنا
و احنا الساس للدنيا وضعنة
و ربك ما نغير ما نغير من وضعنة
شرط الا تحط ايدك بدية
تقبلوا تحياتي
منير العراقي
منقووووووووووووووووووووووووووووووووووووووول
| |
|
mohammed
.
المساهمات : 509
تاريخ التسجيل : 23/03/2008
| | موضوع: رد: الى كل عراقي شريف ويحب العراق ويكره الطائفيه والعنصريه الأحد أبريل 27, 2008 12:26 pm | |
| عاشت ايدك ياورد على الموضوع الجميل | |
|
MaeIas
مؤسس المنتدى
المساهمات : 105
تاريخ التسجيل : 24/03/2008
| | موضوع: رد: الى كل عراقي شريف ويحب العراق ويكره الطائفيه والعنصريه الأحد أبريل 27, 2008 1:31 pm | |
|
مشكووووووووووور اخووووويه بارك الله بيك والله موضوع حلوووو
| |
|
منير العراقي
رئيس قسم برامج الكومبيوتر الانترنت
المساهمات : 184
تاريخ التسجيل : 11/04/2008
| | موضوع: رد: الى كل عراقي شريف ويحب العراق ويكره الطائفيه والعنصريه الإثنين أبريل 28, 2008 2:55 am | |
| مشكورين شباب على المرور الجميل | |
|
عاشق الصمت العراقي
عضو جديد
المساهمات : 40
تاريخ التسجيل : 14/04/2008
| | موضوع: رد: الى كل عراقي شريف ويحب العراق ويكره الطائفيه والعنصريه الثلاثاء أبريل 29, 2008 10:17 pm | |
| عااااشت أيدك والله موضوع مؤثر جداا تسلم منير | |
|
